Hôrster Prison Blues

Ik leep naor Wanssum

Met vleis in mien tès

Toen vonge de Wouten

't Good gewest

Nou lef ik op water

En slaaij met loeëksaus

Ik waar gen profeet

Mar 'n profiteur

Kos met alleman door ieën deur

Nou lef ik op water

En slaaij met loeëksaus

Ik heb noeit zoveul

Aan God gehad

Want ik denk neet dat Jezus

Plat Hôrster prat

Ik lef op water

En slaaij met loeëksaus

Gat boeven vangen

Begin beej owzelf

D'r is slaaij genog

Ik gef ow de helft

Want ik lef op water

En slaaij met loeëksaus