LENNY VULLINGS | Hôrster rock of roll
+555 5555 5555
mymail@mailservice.com
Ge bringt meej beej zinnen vurdat ik vertrek
’t Elektrische licht dwingt os tot ’n gesprek
Ik waas wir verdwaald in mien plotselinge mist
Ik haij ow gans oet mien geheugen gewist
In eindloos gekeuvel over nichten en neave
Liefde en oeërlog, de zin van ’t leave
Wet ik vreej zeker, wie langer ’t deurt,
Ik heb dit gesprek toch al ieërder gehueërd?
“De tied gieët in cirkels, weej zien in gevecht!”
Dat is de spreuk die ge telkens wir zegt
Bedankt vur die wieze road
Ik zeg hoije wah, kameroad
’t Is oet met de kwats en de dronkemansproat
’t Spiet meej dat ik ow heer al verloat
Veur, veur en ’n pesthumeur
Stilte werd spreken en zwart-wit werd kleur
De kaarten liggen open, ik heb wir ni geschud
’n Dubbele aas en ge blinkt van geluk
Ge kniept in mien erm, bespot mien gezeur
Net as de dertig beurten heejveur
En ’t spiet meej, mar ik ben gewoeën kwoad
Ik dwaal toch wir af, driftig op zeuk
Nar ’n terugkerende droeëm oet mien jeugd
Ik reej door ’t land tot de rand van ’n klif
’n Priester kronkelt op de grond van ’t gif
De roeëdvonk gloeit loeiend in zien jeugdige nek
Mien rouwklieër gestreken vur zien snelle vertrek
Maar versleten tot op d’n droad
En geej – zelfs geej – geej ziet wir ’n ander
Vandaag ziede gister in merge veranderd
Ge luusterd maar half, mien weurd – pasgeboren
Verdrinken verloren in ’n gros jonge kloare
Net as ontelbare ieuwe heerveur
En ik stik heer in mien eigen verroad
Hoije wah, kameroad